Spurt og svarað

Já, ef þú ert ekki skyldug/-ur skv. lögum, kjarasamningi eða ráðningarsamningi til að greiða í annan lífeyrissjóð.

Allir vinnandi menn, launþegar og sjálfstætt starfandi, á aldrinum 16-70 ára verða að greiða í lífeyrissjóð skv. lögum um skyldutryggingu lífeyrisréttinda og starfsemi lífeyrissjóða nr. 129/1997. Skyldutrygging lífeyrisréttinda táknar þá skyldu að eiga aðild að lífeyrissjóði og til greiðslu iðgjalds til lífeyrissjóðs. Iðgjald til lífeyrissjóðs skal ekki vera lægra en 12% af iðgjaldastofni. Yfirleitt er framlag launþega 4% og launagreiðanda 8%. Ríkisskattstjóri hefur eftirlit með því að greitt sé í lífeyrissjóð. Lífeyrissjóðir upplýsa Ríkisskattstjóra um greiðslur sjóðfélaga.

Lögbundið iðgjald er skylda að greiða skv. lögum nr. 129/1997 en viðbótarlífeyrissparnaður er valfrjáls sparnaður.

Nei, allir verða að greiða í lögbundinn lífeyrissjóð. Einungis þeir sem greiða lögbundið iðgjald í lífeyrissjóð eiga rétt á því að greiða í viðbótarlífeyrissparnað, þ.e.a.s. þeir sem uppfylla skyldu sína til lágmarkstryggingarverndar lögum samkvæmt.

Tryggingarverndin í lífeyrissjóðum kallast lágmarkstryggingarvernd. Lágmarkstryggingarvernd veitir rétt til elli-, örorku-, barna- og makalífeyris. Því er mjög mikilvægt að greiða í lífeyrissjóð. Miðað við 40 ára innngreiðslutíma í lífeyrissjóð tryggir lágmarkstryggingarvernd 56% af meðallaunum í mánaðarlegan ellilífeyri til æviloka.

Íslenski lífeyrissjóðurinn er séreignarsjóður. Hluti af iðgjaldinu í séreignarsjóð fer í séreign, bundna og/eða frjálsa. Séreign erfist að fullu. Í sameignarsjóði fer allt iðgjaldið í sameign sem erfist ekki.

Hægt er að skipta um lífeyrissjóð. Hins vegar er vert að taka fram að þegar skipt er um lífeyrissjóð er það eingöngu séreignin sem er flutt á milli sjóða sé óskað eftir flutningi á inneign. Sameignarhlutinn verður eftir í gamla sjóðnum, og ávaxtast þar. Þetta hefur þó engin áhrif á þá útgreiðslu sem þú færð þegar kemur að því að fá greitt úr lífeyrissjóðnum, því engin réttindi tapast við millifærsluna. Algengt er að fólk eigi réttindi í fleiri en einum sjóði. Það er góð regla að fara ávallt vel yfir öll yfirlit sem þú færð send heim og geyma vel. Þegar svo kemur að töku lífeyris er það skylda lífeyrissjóða að kanna rétt manna hjá öðrum lífeyrissjóðum. Þannig að svo lengi sem þú skiptir á milli sjóða sem eru aðilar að samkomulagi um samskipti lífeyrissjóða, heldur þú öllum réttindum við skiptin. Íslenski lífeyrissjóðurinn er aðili að þessu samkomulagi.

Við hvetjum þig til að hringja í síma 410 4040 eða senda okkur póst á lifeyrissparnadur@landsbanki.is hafir þú einhverjar spurningar eða athugasemdir.

Launþegi getur greitt að hámarki 4% eigið framlag af óskattlögðum tekjum. Mótframlag launagreiðanda fer eftir kjarasamningum, er allt að 2% og miðast við 2% framlag launþega.

Viðbótarlífeyrissparnaður er laus til útborgunar við 60 ára aldur. Úttekt vegna viðbótarlífeyrissparnaðar getur þó ekki hafist fyrr en tveimur árum eftir fyrstu greiðslu iðgjalds.

Viðbótarlífeyrissparnaður er frádráttarbær frá skattskyldum tekjum við innborgun, en greiddur er af honum tekjuskattur við útborgun. Iðgjöldum er því skilað óskattlögðum í séreignarsparnað, en þegar að útborgun kemur er sparnaðurinn skattlagður eins og hver önnur laun. Þetta þýðir að greiðslu á tekjuskatti er frestað þangað til útborgun hefst og getur launþeginn þá mögulega hagnast með tvennu móti. Annars vegar ef launþeginn á ónýttan persónuafslátt þegar inneignin er tekin út og hins vegar ef tekjuskattur hefur lækkað þegar að úttekt kemur.

Ekki er greiddur fjármagnstekjuskattur vegna þeirra vaxtatekna sem launþeginn ávinnur sér á sparnaðartímanum, né eignarskattur af uppsafnaðari eign. Við fráfall er sparnaðurinn greiddur til erfingja og ekki er greiddur erfðafjárskattur. Ekki er greiddur eignaskattur af inneign af viðbótarlífeyrissparnaði.

Ef orkutap er metið 100% getur viðkomandi fengið alla innstæðuna greidda á sjö árum. Árleg útborgun lækkar og úttektartími lengist í hlutfalli við lækkun örorkuprósentu.

Nei, það er valfrjálst hvert viðbótarlífeyrissparnaðurinn er greiddur og taka bæði fjármálafyrirtæki og lífeyrissjóðir við viðbótarlífeyrissparnaði.

Nei, slíkt er ekki heimilt. Viðbótarlífeyrissparnaður er ekki aðfararhæfur.